Thursday 25 October 2012

Rairobo Haksolok Ho SEPFOPE Inagura Estrada Foun


Tempo Semanal - Rairobo 24/10/2012

Povu Rai Robo Hahi servisu SEPFOPE tan sira bele iha ona asesu ba dalan oan ida. durante ne'e ema barak hakilar kona ba kondisaun estrada ne'ebe halo ema baruk atu lao maibe Rai Robo projeitu dollar tolu husik hela dalan ne'ebe iha kualidade diak uitoan duke sira ne'ebe halo husi kompania boboot sira ne'ebe manan tender milaun Dollar Amerikanu.

Sekretariu Estadu Polítika Formasaun Profisionál Empregu Elidio da Costa Ximenes
SEKRETARIU-  Estadu Polítika Formasaun Profisionál Empregu (SEPFOPE) Elidio da Costa Ximenes inagura estrada iha Suku Rai robó, Sub-Distritu Atabae, Distritu Bobonaro.

Iha Serimónia inaugurasaun ne’e, partisipa husi Vice Primeiru Ministru, Fernando Lasama de Araújo, Vice Ministru Solidariedade Sosiál, Jacinto Rigoberto, Prezidente Konsellu Juventude Timor –Leste, Leovirgilio da Costa Hornai, Diretór Nasionál Asuntu Sosiál (MSS) Amândio Amaral no Diretór Inspesaun Jerál,l Aniceto Leto Soro, inklui mós lideransa lokál  iha Rai robó.

Tuir  Sekretáriu Estadu, Elidio  da Costa Ximenes hateten,  hare ba Projetu estrada ne'ebé realiza husi SEPFOPE iha tinan kotuk liu ba,  ho distánsia kilo metru lima (5). komunidade Rai robó ne'ebé ho esforsu an hodi hadi'a estrada hamutuk ema na'in atus ida sanulu resin ida (111 ) ho durasaun tempu loron tolu nulu resin hitu  (37).

Elidio hare katak, projetu estrada ne'ebé hala'o husi komunidade  atu kontinua ba oin iha tinan 2013 sei hetan ‘Feed Back’  husi Ajénsia Dezenvolvimentu Nasionál (ADN) hare ba ninia kualidade bele kontinua programa ne’e ba oin.

Mandatu kintu governu sei kontinua programa ne’ebé eis SEFOPE Bendito tau hela hodi hala'o kontinuasaun ba iha suku Laktos, Funar no Dauloro, ho orsamentu ne’ebé eis SEFOPE husik hela.  Maibé, SEPFOPE sei foti desizaun atu tau alkatraun  ba estra tama too iha suku durante fulan tolu.
Projetu estrada ho orsamentu U$ 80 mi'il inklui mós ho programa dolar tolu (U$ 3.00) . Kondisaun estrada  iha área rurál maioria barak mak aat. Ne’e duni, SEPFOPE  durante ne’e fó tulun loke dalan halo manutensaun, reabilitasaun ba estrada hirak ne’e.

Nune’e mós estrada balun loke foun atu fasilita inan- aman sira ne’ebé hetan difikuldade kona ba dalan. “SEPFOPE iha hanoin ida atu kontinua programa $ 3.00 iha suku sira, ” dehan Elidio ba Jornalista loron Sesta feira (19/10) iha Rai robó.

Nia dehan, Ajénsia Dezenvolvimentu Nasionál (AND) mak hare ninia kualidade. Maibé, projetu estrada ninia benefísiu ba komunidade atu lori produtu ba iha Distritu. Hodi nune’e bele fasilita transporte públiku tama iha Rai robó.

Ne’e duni, projetu ne’e sei kontinua nafatin. Maibé sei halo modifikasaun tanba   programa dolar tolu  hala'o limpeza  SEPFOPE sei halo lakon. Tanba ladún eduka povu. Maibé, kuandu estrada no eletrisidade kompletu ba povu sira. Entaun kria desentraliza dezenvolvimentu  ba iha  Suku.
Lia hira ne’e hato’o mós husi koordenadór Tékniku Nasionál Luicio Bertaci dos Santos hateten, projetu estrada rurál. Ne’e halo husi Eis Sekretáriu Estadu Formasaun Profisionál Empregu (SEFOPE) Bendito Freitas ne'ebe dadaun ne'e asume fali kargu hanesan Ministru Edukasaun.
Foin mak hetan inagura husi SEPFOPE  Elidio da Costa Ximenes. Programa estrada sei kontinua hanesan Rai robó ho Likisá. Tanba  pilotu Eco-Cure ho Teknolojia ne’ebé foun Timor-Leste foin mak uza.

Hahú husi inisiu ne’ebé SEPFOPE halo iha Rai robó no Likisá. Tanba, iha momentu ne’ebá sira halo kilo metru sanulu resin (16). Maibé, projetu estrada ne’e,  uza Eco-Cure ho distánsia kilo lima (5) de’it. Ho totál orsamentu U$ 940 mi'il resin.
Foin daudaun ne’e, ADN  halo dezeniu tuir orsamentu ne’ebé iha koa tiha rihun haat nulu (40.000). Tanba, Atu halo baleta iha tempu badak nia laran. Projetu estrada suku Rai robó feto la partisipa tanba uza Eco-Cure ne’e todan. Ne’e duni, ai-moruk Eco-Cure halo husi tasi been kahur ho sentimentu saka haat.

Komunidade sira halo servisu ateru tetuk hodi nune’e silindru sama. Tanba iha baze ne’e metin la presiza tan ona alkatraun. Tanba, iha Indoneziza no Koreia uza ba fatin indústria refere.
Maibé, iha Rai robó rai ut barak. Entaun rega alkatraun tanba sira hare tina ona Likisa ninian ema tula tronton 20-25 tonelada la iha problema.  “Uluk halo projetu  estrada  SEFOPE hamutuk ho Internasionál Labourt Organisation (ILO) iha tinan 2010 halo reabilitasaun SEFOPE uza orsamentu U$ 180 mi'il resin kaer husi kompañia Forte”  esplika koordenadór tékniku ne’e.

Fatin hanesan Administradór Sub-Distritu Atabae Sidonio Fonte hateten, sente kontente tebes tanba SEPFOPE inagura estrada iha Suku Rai robó. Agora daudaun komunidade sira bele asesu transporte atu nune’e sira bele lori produtu lokál hodi ba fa’an  no muda sira nia moris.
“Suku Rai robó iha Aldeia haat (4) hanesan Limanaru, Faturase, Vila Maria no Rai robó agora bele  asesu ba estrada. Mais, antes asesu estrada refere komunidade sira halo viajen la’o ba iha Sub-Distritu Atabae iha oras tolu (3) laran. Se kuandu ho transporte ne’e la’o 25  minutu nia laran. Uluk komunidade sira seidauk asesu estrada ne’e susar atu ba sidade” hakotu Sub-administradór ne’e.  (**)

No comments: