Friday 26 October 2012

TL NIA PNTL ENTREGA KAZU DROGA BA INDONESIA NIA BNN


Tempo Semanal Breaking News 
26/10/2012

Superintendenti Calistro Gonzaga hamriik
iha PM Xanana nia liman los wainhira PMXanana halo
 apresenta provas ho suspeitu nain lima
 ba publiku iha loron 23/10/2012
 iha Kuartel PNTL kaikoli Dili (Photo Dilma sujeti)
Tempo Semanal deskobre katak Aviaun batavia ho Merpati lori sai ona suspeitu importasaun ilegal droga deskonfia mai husi Afrika via silk Air Singapora Dili ba Indonesia iha loron sorin Sexta (26/10/2012). Tuir fontes jornal tempo Semanal iha aeroportu Nicolao Lobato dehan, "ema dadur nain lima ho membru polisia Republika Indonesia nain lima sa'e aviaun Batavia no polri nain lima seluk sa'e aviaun Merpati hamutuk ho membru PNTL nain tolu.

Hafoin Oras Timor leste liu meudia Aviaun Batavia ho Merpati tun iha Aeroportu Dili. Tuir Observasaun polisia Indonesia husi unidade BNN (Badan Narkotik Nasional) nain lima hamutuk ho Suspeitu cidadaun Afrikanu ida ho Indonesia nain hat ho evidencia Drogas besik kilo hitu ne’ebe prende husi PNTL iha operasaun hasoru droga iha TL sa’e aviaun Batavia ba Bali. Iha loron ne'ebe hanesan membru BNN nain lima seluk hamutuk ho Membru PNTL nain tolu hanesan Superintendenti Calistro Gonzaga komandante investigasaun no membru intelijencia PNTL nain rua hanesan Primeiru sarjantu Admiro ho ajente Faustinho sa'e fali aviaun merpati diresaun dili ba Bali hodi liu mos ba Jakarta. 

Wainhira jornal ne'e koko atu konfirma ba iha numeru telemovel Superintendenti Gonzaga ninian maibe lian malae feto portuges ida maka aviza ho lian portuges katak telefone esta diligadu ou fora de area de kovertura......

Tuir Observasaun jornal ne’e membru BNN nain lima mai kedan iha loron rua kotuk ba no hodiseik to’o tan nain lima iha Timor Leste.

Iha realidade PNTL entrega ona kazu Droga ne’ebe involve cidadaun Indonesia nain hat ho Mozambikanu ida ba BNN Indonesia hamutuk ho evidencia iha 25/10/2012 iha kuartel PNTL Kaikoli Dili. Maibe komisariu PNTL, DR. Longuinhos Monteiro iha noticia TVTL deklara katak parte Indonesia ho TL sei iha hela prosesu koordenasaun kona ba entrega suspeitu sira ne’e ba Republika Indonesia. Iha fali notisia TVTL loron 26/10/2012 mos la iha kovertura ruma kona ba tranferencia suspeitu ho evidencia husi PNTL ba BNN hodi hamosu deskonfianca balun ba kazu trafiku droga refere. Wainhira jornal ne'e koko husu Paulino kintas nu'udar responsabel ida iha TVTL karik sira hetan konvite atu halo kovertura iha aeroportu Kintas haklaken, la'e. "Ha'u hatene katak komandante jeral dehan sei iha prosesu atu buka solusaun ba kazu ne'e. nune'e duni seidauk ba," kintas informa ba Tempo semanal iha 21:10 OTL ne'ebe bele dehan suspeitu to'o ona jakarta haris tan ona mos jornalista barak kecolongan. 

Hanesan publika ona, iha Jornal Tempo ninia investigasaun deskovre katak PNTL hahu halo operasaun ba kaptura suspeitu Cidadaun Indonesia nain hat ho Mozambikanu ida no priende evidencia droga ne’ebe hatama liu husi Aviaun Silk air husi Singapora mai Dili dezde loron 18 to’o loron 20 fulan Oetobru 2012 iha hoteis balun iha capital nasaun ne’e.

Iha Loron 18/10/2012 dadersan Jornal tempo Semanal deskobre katak cidadaun Indonesia nain rua kaptura husi PNTL iha hotel centra dili. Cidadaun nain rua ne’e ho inisial hanesan RS ho S. Depois iha fali kalan (18/10/2012) autoridade TL kaptura tan cidadaun Indonesia ida iha nafatin hotel Central ho naran inicial AT.

Iha Dia 19/10/2012 dader Autoridade Timor Leste kaprura tan cidadaun Indonesia ida seluk ho naran Incial MAR ne'ebe kuinesidu hanesan A hamutuk ho pasta ida ne’ebe subar droga sabu-sabu iha laran. Iha dadersan loron Hanesan autoridade mos kaptura cidadaun Afrika do sul ida iha otel Ventura tan ba deskonfia nia maka entrega pasta refere ba A hodi ba entrega ba S.

Iha loron sabadu (20/10/2012) Autoridade PNTL akompania suspeitu ida iha aeroportu hodi priende pasta mean ida ne’ebe hatama iha bagazen Silk Air diresaun Singapora ho Dili ne’ebe to’o iha Dili depois de oras meudia.

Iha loron Tersa (23/10/2012) Primeiru Ministru ho komisariu longuinhos apresenta suspeitu ho evidencia drogas sira ne’e ba publiku.

PNTL entrega suspeitu ho evidencia ba BNN hodi submete ba prosesu julgamentu iha Indonesia hamosu pro no kontra tan ba balun argumenta katak ne’e bazea ba nota de intendimentu entre PNTL ho Polri ne’ebe asina iha rai ketan entre Indonesia ho TL. Nune’e mos lei Timor Leste ninian la forte atu foo pena suspeitu sira maske cidadaun Indonesia ida ho naran Budi Santoso tata hela besik komarka bekora durante tinan 10.

Maibe parte ne’ebe argumenta katak nasaun ne’e la’os ona provincia rua nolu resin hitu husi Indonesia no seidauk iha akordu de extradisaun ida entre TL ho Indonesia. 

No comments: