Friday 19 October 2012

Parte I: Servidór Estadu TL Sobu Estadu De Direitu


Tempo Semabal-Dili, 19/10/2012

Tanba De'it Atu Hetan Dolar, Servidór Estadu Balun Koko Hakarak Sobu Estadu De Direitu Hodi Hamenus Osan Ba Tasa Governu Nian.

Iha letratu ne'e ofisiais sira halo hela pasta
de revista ba dokumentus ema estranjeiru sira
BAZEIA ba informasaun ne’ebe  sirkula iha Ministeiru Negosiu Estranjeiru ninia laran katak parte Konsular Ministeriu Negosiu Estranjeiru (MNE) ne’e sai rai bokur ba ninia staff sira atu hetan lukru ruma ba sira nia aan. “Fungsionariu husi konsular MNE balun mak ba foti ema estranjeiru sira nia dokumentus iha uma de’it hodi trata sira nia vistu ba servisu,” dehan fungsionariu MNE ida ne’ebe sei ativu iha Ministeiru haktuir ba Tempo Semanal iha 26/09/2012 lokraik.

Loron ida antes sidadaun Filipina Mazy Tayamen ho Nathaniel Tayamen  ninia dokumentus latan iha Diretor Nasional Konsular ninia meza leten Jornalista TS sei dehan ba diretor katak iha tempu badak nia sei simu dokumentus husi sra Mazy.

Sra. Mazy halo autoridade sira ulun ain tanba depois de jornal ne’e vizita ba ninia gabinete iha Timor Plaza.  Loron tuir  fali Mazy ninia dokumentu tama kedan iha Konsular Nasional MNE. Iha loron ida antes Diretor Nasional Konsular MNE Crigono de Araujo dehan sra ne’e viola ona Lei. Ne’e duni presiza kaer no haruka fila.

Depois de intervista ho jornal Tempo Semanal iha besik tuku 11 dader Diretor ne’e fila ba dokumentus mazy nian latan ona iha ninia meza leten. Tuir observasaun katak parte Konsular MNE ninia ema balun involve iha prosesu sobu estadu de direitu nasaun ne’e hodi simu pedidu husi kotuk atu ajuda vistu de trabalho ba sra. Mazy tan iha ligasaun ho ema balun ne’ebe servisu iha kompania Philweb. Antes mai iha MNE fungsionariu ida iha kompania Philweb ho fungsionariu Ministeiru turismu kontaktu uluk ona Diretor Crisogno ninia staf ida hodi kombina.

“Ha’u sei cek didiak bu’at ida ne’e. Sira foin maka hatama sira nia dokumentus iha jam 11 ohin (Kuarta 26/09). Depois de intervista mak hau fila ba haree dokumentus iha ona hau nia meja leten. Atas nama sra. Mazy ho nia laen,” dehan Crisogno.

Dokumentus ne’e,  hahu sulan ba instituisaun kompetente depois de loron ida antes (25/09) jornalista Tempo Semanal ba foti kestaun vistu ninian ba Mazy iha Timor Plaza. Diretor Konsular ne’e, konfirma katak dezde fulan Julio ate kuarta feira la iha rekerimentu ida tama atu prosesa vistu servisu ba sra ne’e.

Nune’e  mos fulan Julio ate kuata feira dader semana kotuk Mazy hanesan sidadaun estranjeiru ne’e uza hela vistu turista halo servisu no la dauk hatama aplikasaun hodi hetan vistu servisu ninian. “Ohin, dadersan hau haruka staf sira cek la iha dokumentus ida atas nama Mazy ho ninia laen ninian nune’e duni ha’u sei haree bolu sira mai husu tansa mak agora foin hatama dokumentus,” dehan diretor ne’e.

Diretor nasional Konsular Ministeiru Negosiu Estranjeiru dehan ne’e viola lei imigrasaun ninian no promete atu foti medidas.


Sei kontinua

No comments: