Friday 26 October 2012

TS Breaking News: Suspeitu balun kaptura ona

Tempo Semanal - Atabae 25/10/2012

mapa projeitu nain ba rai ne'ebe dala
barak mos halo ema lakon respeitu malu ate oho malu
Tuir informasaun husi autoridade sira iha atabae hateten katak intervensaun ne'ebe halo depois de atakes husi grupu maskar ba oho komunidade iha ailok laran Atabae balun kaptura ona.

Tuir fontes refere mos informa katak sira deskonfia problemas ninia hun ne'e husi hadau malu rai.
"sira pernah ba ona koko rezolve problemas rai ne'e iha nivel autoridade lokal ninian maibe parte rua la konsege hetan solusaun," dehan fontes ne'ebe besik liu ba autoridade Ailok laran ninian.

Iha parte seluk autoridade sira sei koko atu buka tuir nafatin suspeitu seluk ne'ebe sei halai hela. maibe iha parte seluk membru PNTL ida dehan, "ami kaptura ona sira."

Kazu hadau malu rai ne'e agora sai polimika bo'ot liu iha nasaun ne'e depois de estadu Timor Leste hatuur lei ida ne'ebe atu nain sira rejista sira nia rain no hetan certifikadu. estadu Timor Leste servisu hamutuk ho doadores sira halo ona sukat ba rai iha teritoriu Timor Leste ho objetivu atu rezolve problemas rai mas iha ikus mai halo ema maka oho malu fali.

Kazu hadau malu rai iha distritu sira ne'e la'os dahuluk maibe tensaun ne'e aumenta wainhira estadu servisu hamutuk ho USAID koko aijuda legaliza status nain ba rai to'o ikus barak maka fila ba rai tan ba hadau malu atu d=hetan direitu ba rai.

No comments: