Thursday 18 October 2012

PARTE VI: 20 AGUSTO LORON FALINTIL SE MAKA FUNDADOR FALINTIL?


16. PLANO KONTRA GOLPE 

16.a). Planu kontra golpe nian hahu kedas iha tuku 3 lokraik loron 11 fulan Agosto 1975. Hakerek nain sae ba Quartel jeral atu ba hasoru malu ho Rogerio Lobato iha lokraik loron ida ne’eba duni. Wainhira too iha QG, Rogerio mos hamriik hela iha varanda, hau hamrik deit iha estrada ninin hosi parte sul nia no fo sinal para Sr. Rogerio hakbesik mai iha arame parapado para ami nain 2 bele koalia. 

Wainhira Sr. Rogerio hakbesik tiha ona, hakerek nain dehan nune’e, “ kamarada Rogerio ita tenke atua ona lalais atu dezarma UDT ho Portuges sira camarada.” Depois hakerek nain hatudu ba forsas UDT nian ne’ebe hamutuk sira nain 3 iha sikun ida, iha sikun balun ema nian, hodi dehan ho lian komiku uituan nune’e, “kamarada Rogerio ne’e ita bele tuku de’it mos  bele dezarma hela sira,” hakerek nain koalia ho hamnasa.

Entaun Sr. Rogerio responde  “ Caetano voce está brincar? Isto significa uma Guerra, por isso Começa agora mesmo entrar en contacto com todos os coordenadores das outras companhias para virem separadamente coordenar comigo e você prepare da sua parte.” Sr. Rogerio dehan nune’e tamba nia hatene katak hau maka halo konta armajem material funu nian iha DSM Balide, ne’e  duni tenke prepara kilat sira ne’e atu bele fahe ba kompanhia selu seluk, tan ba Sr. Rogerio mos hatene nanis katak kilat iha armajem nia laran tenke hamos uluk para bele usa selae ita tiru labele tan ba massa ou gordura gemuk no óleo maka nakonu.

16.b).Orientacoeins do Primeiro komandante Das Falintil Rogerio Lobato

Depois de UDT halo tiha golpe iha 11 de Agosto 1975, ami komesa halao’o koordensaun entre kompanhia hotu hotu iha Dili laran para atu halo kontra golpe ida mais rápido possível, ne’e sob komando no orientsaun Rogerio Lobato nian. Maibe foufoun ne’e ami lahatene sa loron no sa oras maka atu halo kontra golpe, nee depende ba situasaun no kondisoeins ne’ebe ami prepara iha ida idak  nia kompanhia nia laran.(Hakerek badak deit, resumido).

16.c).Koordenadores kontra golpe no membros

Eis tropas ne’ebe halo kontra golpe ne’e iha grupo 3 hanesan tuir mai nee:

1.     d).Koordenadores
2.     d).Membros activos iha reunioeins sekretas
3.     d).Membros naun ativos

16.d.1).Koordenadores-Kada kompanhia ida idak iha nia koordenador ne’ebe la’o sub subar atu ba koordena ho kompanhia selu seluk; koordenadores sira ne’e maka wainhira partido sira moris liu loron hirak de’it koordenadores sira ne’e mos existe/moris kedas ona hanesan hakerek nain koalia dala barak iha leten ba.

Wainhira UDT seidauk halo golpe koordenadores sira auto-organiza malu no hala’o sira nia enkontro unilateralmente iha fatin barak. Maibe wainhira UDT halo tiha golpe ne’ebe komesa iha 11 de Agosto 1975, ne’e ho ona orientasaun primeiro komandante jeral das Forças Armadas, Rogerio Tiago Lobato nia ordem i iha momento ne’eba kedas Rogerio afirma tan dala ida katak ami nia força ne’ebe atu halo kontra golpe ne’e fo naran nafatin FORÇAS ARMADAS DA DEFESA DO POVO MAUBERE.(Hakerek badak deit, resumido).

16.d.2).Membro activos- komapnhia ida idak iha nia membros ativos, ne’ebe hatene kona ba actividades klandestinas koordenadores sira kompanhia ida idak nian. Iha Companhia nia laran koordenadores ho membros ativos sira ne’e mos halo debate sobre politica, sistema do governo, halo komparasaun entre politika da Fretilin ho UDT no partido selu seluk, atu nune bele esklarece fila fali ba soldados selu seluk ne’ebe maioria iha estudo primario deit. Iha tempo ne’eba hanesan ita hotu hatene tiha ona katak laiha ema sarjana, ne’e be, sira ne’ebe maka iha ona primeiro ciklo, segundo ciklo no terceiro ciklo ,maka atua hanesan ema matenek sarjana ohin loron nian. 

Ne’e duni rezultado reuniaun entre koordenadores no membros ativos sira ne’e maka sei uaa hodi halo ajitasaun e propaganda iha kompanhia nia laran iha oras intervalo servisu nian, iha tuku sanolu dader, iha oras han kalan nian no han matabisu nian. Membros ativos sira ne’e barak ikus mai sai hanesan komandante da kompanhia tan ba eis tropas ida idak iha nia kapacidade, balun iha dom komando nian, balun iha deit dom ko’alia halo ajitasaun maibe dom komando funu menos etc. estc. (Hakerek badak deit, resumido).

16.d.3).Membros naun ativos- membros naun ativos sira ne’e eis tropas sergentos no praças, ne’e katak sergentos kabos ho soldados sira, ne’ebe iha espirito nacionalista, ne’ebe maka koordenadores sira marka nanis ou identifika tiha ona no fiar metin ba sira. Hanesan husi kompanhia DSM nian, por exemplo sira ne’ebe kostuma biasa mobiliza sira para foo volta iha Dili laran no kanta FOHO RAMELAU. Sira ne’e prontu tiha ona para atu mobiliza sira, atu halo kontra golpe bainhira de’it. 

Maibe sira la ba participa iha reuniaun sekreto no mos sira lahatene bainhira maka halo kontra golpe, sira nee so hatene bainhira sira simu ordem para atu simu kilat ho ekipamentos funu nia tomak, halu formatura simu ordem hosi Comandante Companhia ida idak atu avansa ba ida idak nia posisaun maka sira foin hatene. Eis tropas hot hotu nebe participa iha kontra golpe. Sira nia naran ne’ebe biasa ami foo sira maka naran,  membros das forças armadas da libertação Nacional de Timor-Leste. Maibe membros koordenadores ho membros sira ne’ebe iha No. 2 ne’e ami biasa bolu pioneiros das FALINTIL, se karik maka nain ulun sira la aseita para ami usa naran ida ne’e mos la buat ida, importante liu maka ita nia rain liberta tiha ona.(Hakerek badak deit, resumido).

16.e).Formasaun de rede contra espionagem

Komesa kedas iha 11 de Agosto ami intensifika ami nia kampanha kontra espionajem nian para atu hatene loloos sese maka simpatisantes UDT nian para atu bele dezarma sira ou hasai tiha sira nia kilat to’o loron kontra golpe nian. 

Too iha ne’e, ami hosi kompanhia Destacamento Servisu Material nia laran haksolok tan ba 99,99% eis tropas timor oan sira mesak simpatisante FRETILIN hotu. Ne’e duni ba assunto ida ne’e, ami DSM laiha probrema ida, rede ne’e iha nanis tiha ona, oras ne’e ami intensifika deit.(Hakerek badak deit, resumido).

16.f).  Ami hili João Branco  sai komandante DSM nian

Iha kompanhia Destacamento Servisu Material, DSM ami hili Furriel Miliciano João Branco maka sai hanesan komandante da kompanhia. Ami nia komandante ne’e radical uituan, nia ema husi Lospalos. 

Wainhira João Branco tama iha DSM, kompanhia ne’e organizado tiha ona, hanesan ohin hateten katak 99,99% mesak simpatisantes FRETILIN nia de’it. Ne’e duni wainhira too atu organisa kontra golpe ulun fatuk la moras ida, tan buat barak ne’ebe hakerek nain ko’alia ne’e husi kompanhia DSM deit. Orsida hakerek nain nia maluk koordenador selu seluk sei ko’alia em detalhes akontecimento iha sira nia kompanhia nia laran, tamba dificuldades ne’ebe mosu iha kompanhia ida idak la hanesan.(Hakerek badak deit, resumido).

No comments: