Xanana Husu PNTL - F-FDTL Hadudu Profisionalizmu

TEMPO SEMANAL - DILI, 26/10/2012

LUTA- ne'ebé naruk iha tempu okupasaun Indonézia eis komandante en Xefe das  Falintil ne’ebe daudauk ne'e kaer mós pasta hanesan PM iha kintu governu husu ba Polisia Nasionál Timor-Leste ( PNTL ) no Falintil-Forsa Defeza Timor-Leste (F-FDTL)  atu hadudu profisionalizmu iha futuru.

“Ha’u ezije ba forsa rua ne’e, bele jere di’ak liu tan. Liuliu iha rekursu umanu hodi bele hadia iha instituisaun PNTL ho F-FDTL  atu sai profisionalizmu liu tan iha futuru oin mai, ” dehan PM Kay Rala Xanana Gusmão ba jornalista sira hafoin simu tomada depose hodi leva hikas kohe Ministru Defesa no seguranca iha Pallasu Presidente Ai-tarak laran loron segunda-feira (22/10/12).

Wainhira jornalista sira husu razaun sa mak eis lider da Rezistencia ne'e asume hikas kargu refere hafoin de hakanek fuan husi eis Ministra solidaridade ne'ebe la konsege asume kargu Ministra de Defeza no Seguranca ho lian badak Xanana dehan, "atu kontinua serve."

Ministru defeza Governu AMP ne’ebe assume hikas ninia kargu iha Governu Bloku Koligasaun ne’e hateten katak , tinan lima  kotuk liu ba,  atu hadi'a. Ne’e duni, tinan lima mai ne’e, atu hametin. Maibé, PM ba periode dala rua ne’e, sei la tolera buat barak ne’ebé, “ ita rona beibeik entre PNTL ho F-FDTL” tenik PM ba Jornalista sira.

Maibe iha parte seluk mosu nafatin lamentasaun husi komunidade sira tan ba dehan iha fatin balun iha kapital nasaun ne'e membru instituisaun seguranca ho Defesa balun hahu involve aan iha atividades jogu ilegais no lala'ok kontra diciplina militar seluk.

Dezenvolvimentu  PNTL ho  F-FDTL sei hare oinsá mak bele aplika forsa rua ne’e.  Maibé, sira la’ós kaer kilat de’it.  Tanba, mundu tomak forsa buka atu partisipa hodi hadi’a  povu nia moris.

Bainhira mosu problema presiza atu tau matan. Liuliu hare ba droga no problema seluk sei husu nafatin ba polisia atu aprezenta sira nia planu. Maibé, fiar ba PNTL bainhira ema hotu-hotu tau matan saida mak sira presiza halo. (**)