PRESIDENTI FP HALO KREKAS RTTL EP ESPEDITO DEHAN LIVORIO INVADE PODER

TEMPO SEMANAL-DILI, 17/10/2012

Reporter Alicia Benigna ne'ebe
ninia surat aprovasaun licenca sein vencimentu
ne'ebe hodi hamosu funu entre
President Konsello Administrasaun RTTL EP
ho Presidenti FP. 

Espedito dias Ximenes alega katak Presidenti Fungsaun publika (FP) halo konfusaun ba lei fungsaun publika hodi foo lincenca seim vencimentu ba Reporte nain rua ne’ebe durante ne’e servisu iha TVTL.

“Senhora nain fali ne’e foin maka ami prosesa tuir regulamentu normal maibe sira ne’e hetan uluk tiha ona. Ida ne’e ba ami komik fali. Ha’u la hatene kee ida ne’e iha regulamentu fungsaun publika hateten duni katak Presidenti fungsaun publika iha direitu atu foo autorizasaun seim kuinesimentu ami nian ka oin sa mos ami la hatene,” Espedito dias Ximenes kontesta hasoru desizaun Liborio Pereira ninian.

Nia alega katak parte sira ne’e deside ona maka legaliza de’it ho surat ida ba parte RTTL

“Fungsaun publika ko’alia no halo tiha ona maka haruka karta mai ami hanesan formalitas de’it,” Alega espedito.

Presidenti Konselho Administrasaun RTTL EP ne’e mos sadik Ministru Administrasaun Estatal, Jorge Teme la kompriende lei nune’e ministeiru refere hakerek surat official husu licenca seim vencimentu ba jornalista Jacinta hanjam ne’ebe tuir Espedito agora asina ona kontratu ho Moinisteiru ne’ebe xefia husi DR. Jorge Teme ne’e.

“Pior liu tan ministru ida maka haruka fali surat ba husu ami nia fungsionariu ida atu hetan lincenca seim vencimentuy ne’e aneh I komik,” Espedito Goza Jorge Teme ninia kapacidade.

Espedito Dias Ximenes dehan durante ne’e jornalista sira servisu iha RTTL ne’e hetan mos kapacitasaun nune’e nia triste ho situasaun ba reporte nain rua ne’ebe ida daudaun ne’e servisu fali iha Ministeiru seluk hanesan Alicia benigna hanesan asesora iha Secretaria do Esatdu ba asuntus Parlamentar no Jacinta Hanjam servisu iha Ministeiru Estatal.

“Ema sira ne’e ami investe ba iha formasaun. Durante tinan hirak liu ba nia laran sira servisu no ami investe ba formasaun ida kee especifiku ba radio ho televisaun,” dehan Espedito.

Iha parte seluk tuir informasaun katak jornalista barak mak sei husik hela RTTL tan durante ne’e governu ho RTTL EP la foo salariu diak ba sira. Maske nune’e jornalista balun ne’ebe mos tuir inforamasaun atu husik hela mos RTTL lamenta ho desizaun ninia maluk sira seluk ne’ebe maka husik hela sira nia responsabilidade hodi ba fali iha instituisaun estadu seluk.

 “Ne’e krei presenti la diak. Sira maka sempre ko’alia barak maibe ikus mai ami mos kacang lupa kulit, Maibe mos kazu Alicia ho Cinta ninian ne’e mos foo lisaun ida ba Adminsitrasaun hodi hahu tau matan ba kondisaun salarial jornalista sira nian se lae barak maka sei halai,” dehan jornalista ida ne’ebe husu atu labele publika ninia naran ne’e.

Tuir observasaun Governu Timor Leste selu ona aluga ba satelitu ho durasaun oras rua nolu resin hat maibe daudaun ne’e RTTL foin bele uza maximum liu maka oras ida no tempu barak liu televizaun Portuges maka prienxe maske Nasaun foun ne’e maka selu.

“Ha’u hanoin Governu ka sekretariu do estadu ne’ebe tutela presiza haree didiak asuntus ne’e tan ba se la’e ita maka investe osan maibe ema estranjeiru maka uza fali ba sira nia interese,” dehan Amaro A. d. C. Pereira estudante ida husi Universidade ida iha capital Dili.

Tempo semanal koko ona atu husu klarifikasaun husi Presidenti Fungsaun publika maibe la hetan resposta tan ba ho razaun preokupadu.