GOVERNU LOKE ONA TENDER MINA BA CENTRAL ELEKTRICIDADE HERA

Tempo Semanal-Dili, 17/10/2012

Tuir fontes jornal ne'e hateten katak governu loke ona tenderizasaun ba fornecimentu mina ba central elektrika hera.

"Governu loke ona tender maibe ami hotu sei hemu be'e i kompania rua de'it maka dala rua prienxe kriteria ne'ebe governu tau," dehan diretor komapania mina ida ne'ebe husu atu labele publika ninia naran.

"Se haree didiak husi kriteriu ne'e ha'u bel;e garantia katak governu iha intensaun aat ho di'ak. Tan ba sira hatene ami nia kondisaun maibe sira husu ami tenke iha uluk dez miloeins Dollar ne'e jujur de'it ami doko ulun de'it," nia hatutan.

Tuir Fontes ne'e hateten, "se decide loloos entaun kompania ida ne'ebe hala'o husi membru familias ida   alves ninian no ida seluk maka ETO tan bele dehan ema sira ne'e iha osan."

Iha kompania lubun ida mak dada iis hodi dehan sira hanesan kompania nasional seidauk preparadu iha funduz maske governu hakarak foo fiar ne'e ba sira.

Timor oan sira dezde 2007 too 2011 sempre hadau malau atu kaer fornecimentu mina ba EDTL, ba kareta Governu, trator ministeiru agrikultura, PNTL , F-FDTL no departamentu sira seluk tan ba tuir observasaun fornecimentu mina ba jeradores estadu ninian no viekulu sira ne'e sai area buras ba raut Dollar Amerikanu husi Governu.