TIBUNAL JULGA EIS ADMINISTRADO DESKONFIA FAAN KARRET

TEMPO SEMANAL - DILI, 24/10/2012

Tribunal Distrital Dili

Timor oan liu-liu maioria husi sira ne'ebe sevi estadu no povu tama daudaun ne'e hasoru bo'ot ida katak fungsionariu publiku menus husi sentimentu responsabilidade no dala barak uza vieklu ka sasan estadu ninian ba sira nia aan no familias duke hodi halo servisu ba nasaun ho povu Timor Leste. Iha oras kalan, iha fin do semana kareta estadu cirkula nafatin maske estadu entrega kareta ba sira atu halo servisu maibe halo fali atividades partikular ninian. Hetook aat liu tan halo lakon ka faan fali kareta hirak ne'e ba ema selu hanesan kazu

Eis Sub-administradór Aileu vila gasta osan ne'ebé apoiu husi Banku Mundiál hodi sosa karreta no fa'an karreta fefere ba komunidade seluk. 

APOIU- orsamentu ne'ebé fó husi Banku Mundiál ba distritu Aileu atu fasilita administrasaun sub-distritu Aileu hodi fó apoiu ba suku ne'ebé presiza ladún implementa ho di'ak husi sub-administradór distritu Aileu vila. Ne'e duni, eis sub-administradór Aileu vila tenke hakat an ba iha Tribunál Distritál Dili (TDD) sai hanesan arguidu tanba deskonfia hala'o manipulasaun ba orsamentu ne'ebé apoiu husi Banku Mundiál gasta la ho transparénsia hodi sosa karreta kamioneta no fa'an fali ba komunidade.

Julgamentu ne'ebé hala'o iha TDD tuir Sub-administradór distritu Aileu vila, Marcos dos Santos hanesan mós testamunha deklara katak, antes nia simu knaar hanesan adjuntu administradór sub-distritu Aileu vila, “ha'u rona, Banku Mundiál fó ajuda orsamentu ba sub-distritu Aileu vila inklui suku sanulu (10 )” tenik Marcos iha TDD.

Nia dehan, tempu ne'ebá arguidu Xisto A mak hanesan administradór

sub -distritu Aileu vila, hahú husi 2003 -2012. Too agora orsamentu ne'ebé mak hetan apoiu husi Banku Mundiál la hatene ninia montante osan hira.?

“Ha'u rona informasaun katak, sira sosa tiha karreta kamioneta ida hodi hodi halo sirkulasaun iha Aileu laran. Maibé, ikus mai karreta ne'e aat no para hela iha edifísiu administrasaun Aileu vila. Maibé, Xisto hanesan administradór sub distritu Aileu vila foti desizaun, fa'an karreta ne'e ba iha António ho folin rihun ualu dolar amerikanu (U$ 8000 ). sira na'in rua halo kontratu António fó uluk rihun rua dolar amerikanu (U$ 2000) ba iha Xisto no kada fulan António selu atus rua lima nulu dolar amerikanu (U$ 250.00).

“Ha'u rona informasaun ne'e, husi Elidio ho Domingos mak fó hatene ba ha'u. Ha'u la hare ho matan.” Maibé, António dehan, nia estor osan ba arguidu Xisto fulan ida de'it ho valór osan atus rua lima nulu dolar amerikanu (U$ 250.) Hafoin nia rona katak, karreta ne'e problema hela. Entaun, nia (António) la estor tuir buat ne'ebé sira na'in rua halo akordu. Tanba, António ta'uk entrega fila fali karreta ba Xisto no simu fila ninia osan.

Nune'e mós António ne'ebé sosa karreta kamioneta husi eis sub -administradór Aileu vila deklara ba tribunál katak, nia mak sosa dunik karreta ne'e iha tinan 2009 ho kondisaun aat. “Ha'u mak sosa karreta kamioneta ne'e . Maibé, karreta ninia kondisaun aat. Ha'u mak sosa materiál karreta nian hodi hadi'a fali karreta ne'e, iha tinan 2010 karreta ne'e foin di'ak no hala'o sirkulasaun mós ladún di'ak. Tanba halai mate moris hela de'it. Ha'u mós hasai ona osan barak ba karreta ne'e”Antónia konta hikas ba tribunál.

“Iha 2011- 2012 fulan Marsu karreta la halai tanba aat. Ne'e duni, karreta para de'it iha uma. Iha dia 4/4/2012. ha'u entrega fila fali karreta ne'e ba Xisto no ha'u simu fila fali ha'u nia osan de'it. Ha'u nia maluk sira dehan, karreta ne'e problema di'ak liu fó fila fali de'it ona. Entaun ha'u foti entrega karreta ba Xisto” hakotu António.

Prosesu julgamentu ne'ebé hala'o iha TDD kona ba kazu deskonfia sub-administradór gasta orsamentu ne'ebé apoiu husi Banku Mundiál iha tempu nia kaer ukun tenke sai arguidu ho númeru prosesu 306/2012 TDD . (AM)