Monday 20 December 2010

Atleta TL Hahu Hamorin Naran TL iha Chiangmai

Tempo Semanal, 21.12.2010

Maske hanesan nasaun foun liu iha asean nia let maibe provizoriamente Timor Leste ninia rekor iha koileta medalia sei diak liu fali Cambodia ho Myanmar i hanesan ho nasaun mas prosperou Brunei Darrusalam.

Atleta husi modalidade karate feto, Maria Amelia Verdial Ramos la'os de'it ona lori nasaun ninia naran ba estranjeiru maibe hamorin daudaun imajen povu Timor Leste liu husi esforsu hodi oferese medalha bronze ida ba TL iha jogu Asean University Games ba dala 15 ne’ebé halao iha Chiangmai-Thailand, Amelia kompete iha klase 50 kg semi final ne’ebé hetan kuartu lugar.


Jogu ne’e halao iha Universidade Norte Chiangmai iha loron 18/12. Iha loron hanesan Jaime Godinho Soares karate mane kompete iha klase 55 kg lakon ho uma nain Thailand ho valor 3-0 iha jogu preliminary. Antes ne’e iha loron 17/12 karate feto klase 55 kg ne’ebé joga husi atleta Eliza Soares Lopes iha jogu primeiru lakon ho ekipa husi Thailand ho valor 7-0, iha jogu segundu hasoru Maldiaysia lakon ho valor 0-3. Modalidade karate remata iha loron 18/12.

Maria Amelia hateten, maske ho difikuldade barak maibe nafatin esforsu ho kapasidade ne’ebé iha hodi compete, maski hetan bronze. Nia mos agradese tebes ba Sekretaria Estadu Juventude no Desportu ne’ebé fasilita ona atleta sira hodi mai tuir eventu refere.

Iha parte seluk atleta atletiks Marcos da C. Jesus ho numeru pungung 401 kompete iha 400 meter hamutuk ho atleta husi nasaun Malaysia, Indonesia, Laos no Thailandia. Marcos tama ikus liu iha linha finish.

Entertantu modalidade volley ball beach entre Timor Leste no Indonesia nebe halao iha loron 17/12, manan husi ekipa Indonesia ho valor iha set primeiru 21:17 no set segundu 21:15.

Entretantu iha loron 20/12/2010 (segunda) Volley ball praia nebe halao iha Universidade Chiangmai, Timor Leste raut set 2 husi uma nain (Thailand), nebe iha set primeiru manan ho valor 21 : 19, set segundu 21 : 18.

Entertantu iha modalidade pencak silat nebe halao iha ginaziu Universidade Payap Chiangmai Timor Leste iha klase 50-55 kg lakon ho ekipa husi Vietnam.

Atleta nebe compete mak hanesan Nicolao Gomes da Conceicao no Inacio Pina G. Amorin.

Nune'e duni rezultadu medalha Provizoriu medalia ba nasaun sira ida-ida mak hetan medalias Gold, Silver no Bronze ho total aa liu Indonesia hamutuk medalias 41, tuir uma nain Thailandia hamutuk 40 numeru terseiru okupa husi Malaysia  34, Vietnam iha numeru hat ho total medalias 17, numeru lima Singapore 9 medalias, Fhilipina hetan gold ida, silver ida no bronzo lima hamutuk 7, Laos koleta silver ho bronzo hamutuk 10, Brunei Darussalam iha pozisaun 8 ho bronzo 1, tuir Timor Leste iha numeru sia Bronzo ida no nasaun rua ne'e too agora seidauk hetan medalia maka Myanmar ho Cambodia. (TS)

No comments: