Konsellu Ministrus loron Kuarta feira, liu husi votu sekretu IV Governu Konstitusional, "hili Dr. Aurélio Guterres ba Reitor Universidade Nasionál Timor Lorosa’e (UNTL) nian."Tuir komunikadu de imprensa ne'ebe redasaun Jornal ne'e simu esplika katak, "Estatutu Instituisaun ne’e nian, ne’ebé publika iha Jornál Repúblika iha loron 20 fulan Outubru liubá ne’e, Reitór atuál aprezenta lista ida ho kandidatu na’in tolu ba Ministru Edukasaun, ne’ebé husi ninia parte aprezenta ba Konsellu Ministrus atu halo nomeiasaun. Lista kandidatu nian kompostu husi: Dr.Aurélio Guterres, Dr. Faustino Cardoso no Dr. Francisco Martins."
DR. Guterres sei troka DR. Benjamin Cortereal ne'ebe foin lalais ne'e submete ona ninia aan ba partidu opozisaun Fretilin.
"Reitór eleitu sei labele asume kargu seluk ne’ebé bele hamosu konflitu ho ninia disponibilidade totál atu dedika-an ba konsolidasaun dezenvolvimentu institusionál UNTL nian," dehan iha komunikadu mai husi sekreatariu do Estadu Konsellu Ministru ninian ne'e.
DR. Guterres daudaun ne'e kaer hela pasta hanesan mos asesor iha Ministeiru Solidariedade sosial inklui hanesan mos tau matan ba projeitu sira ne'e apoiu husi nasaun Finlandia.
"Konsellu Ministrus felisita kandidatu na’in tolu ne’e ba sira nia disponibilidade no dedikasaun no sentidu
responsabilidade nian ne’ebé boot tebes. Eskolla ne’e susar duni," Komunikadu ne'e hatutan.
Foin lalais ne'e mosu manifestasaun hasoru UNTL no Ministeiru edukasaun hafoin estudante husi fakuldade enjenaria UNTL balun mate no kanek tan ba karreta monu nune'e duni iha naha todan balun sela hela ona DR. Aurelio atu kazu iha fulan janeiru 2011.
"Konsellu Ministrus felisita Reitór eleitu, Dr. Aurélio Guterres ba ninia eleisaun no hein katak nia bele
susesu iha ninia mandatu iha tinan lima nia laran ne’e," hahi komunikadu husi konsellu dos Ministru ne'e.
Husi parte seluk civika akademia UNTL simu desizaun husi konsellu Ministru no promete atu koopera. DR. Aurelio sei kaer kna'ar ne'e durante tinan lima ninia laran. (TS)
No comments:
Post a Comment