Monday 27 December 2010

Manu Liras Besi Batavia Hahu Semo Bali Dili Ba Mai ho Hanehan Folin Kontra Merpati

Tempo Semanal-Dili, 27.12.2010


Photo Doc Batavia air
Iha dader ida ne’e inaugura tan manu liras besi ida hodi semo entre bali ho dili. Tuir Lourenco Oliviera boot husi kompania Timor oan ne’ebe konsege hatama aviaun ne’e konfirma katak iha tuku sanolu ho balun ohin aviaun Batavia sei tun iha aeroportu komo Dili tan ba hetaan apoiu diak husi Ministeiru Turismo ho komersiu no maske lori tempu Ministeiru Obras Publiku konsege ona hasai licence ba sira.
Loureco esplika objetivu husi hatama tan aviaun seluk mai iha Dili tan ba presu ne’ebe karun nune’e sai obstakulu ba komunidade kiik sira labele sa’e aviaun ba Bali maske iha realidade sira nia oan barak maka eslkola iha Indonesia.

“Hau hanoin atu hatama Batavia mai la’os atu de’it razaun atu buka osan kerdizer ke ita labele halai husi ne’e, i tambein razaun ida ke ha’u atu hateten durante dez anus ona la iha kompetisaun. Depois ita kompara ho fatin selu-seluk iha asean nian, ita hetaan tiket ba mai baratu faan baratu.”

Louranco ninia intensaun hakarak hanehan folin no fornese kondisaun aviuan ida kee diak liu aviaun ne’e iha ona.

“Tan ba ida ne’e maka ha’u hakarak hatama tan Batavia mai para atu halo kompetisaun iha ne’e ba route Bali. Ko’alia kona ba kompetisaun kerdizer ke folin baratu. Kuandu Folin baratu ema kiik sira ne’ebe ke osan naton de’it mos isra bele sa’e aviaun,” dehan Lourenco.

Nia hatutan, “Liu tan estudante sira ne’ebe maka eskola iha Surabaya, iha Yogja no iha Jakarta sira bele hetaan fasilidade tan ba iha kompetisaun presu tun i depois sira nia aman ho inan sira ne’ebe maka durante ida ne’e sai husi ne’e ba kupang ho oras sanolu resin rua, depois sa’e fali aviaun ba Surabaya ne’eba presu hanesan hela de’it. Tan ba ida ne’e maka hodiseik ami loke ho presu US$232.00 (Duzentus i trinta dois Dollar ), ba mai. Ha’u sente katak osan ida ne’ebe maka sosa bilete iha ne’e ba iha Bali hanesan de’it ho osan ne’ebe maka sira uza iha ne’e ba kupang fila mai.”

Lourenco mos esplika katak hafoin de Prezidenti da Republika DR. Jose Ramos Horta inaugura Bou Batavia ohin tuku 10.30 OTL hahu aban aviaun ne’e sei halo kedan operasaun husi Bali mai Dili. “Semana ida dala hitu. Semo lor-loron. Nia ohin komesa inaugura. Komesa aban nia semo regularmente. Nia sai husi Bali sete oras dader oras Bali ninian no iha Timor tuku walu. Nia tun iha ne’e nove kuarenta. Depoius nia sai fali iha ne’e dez i vinte. Nia too fali iha Bali Onze oras. Aviaun ne’e sei lori pasajeiru 142 no aviaun ne’ebe maka ami uza Air Bus 320 ho Air Bus 319,” esplika Lourenco Oliviera.

Dezde 2002 aviaun Indonesia ida de’it maka opera entre Dili bali ho presu ne’ebe karun tebes no dala barak ona hamosu deskontentamentu ba pasajeiru sira inklui Prezidenti Horta rasik tan ba folin ho kondisaun aviaun ne’ebe uza entre Bali ho Dili. Nune'e Lourenco garantia sira nia kompania sei uza, "aviaun ne'ebe foun, ne'e aviaun Air buss, foun,  la'os boeing sira ne'ebe tuan." (TS).

9 comments:

Anonymous said...

Saya sangat bangga dgn pak Lorenco yg kini berpikir sampai menambah transportasi angkutan udara dgn harga tiket yg lebih murah dan bisa bersaing dengan merpati. se aviaun merpati deit entaun sira bele hasae folin tiket konforme sira nia hakarak. agora ho Batavia nebe preco $232 PP ne'e katak baratu liu. semoga Batavia berjaya di udara. Good Luck

Anonymous said...

espera bele sai realidade

Anonymous said...

hau sinti folin hanesan ne bele mos halo ema barak mai visita ita nia rai.

Anonymous said...

espera que ema barak mak sei uza aviaun ne

Anonymous said...

Espera katak bele mos akontese ba Timor Telekom....

Anonymous said...

Se maka ne'e Lourenço Oliveira ?
Presidente de Administraçao k, Direitor General K, saida fali???

Anonymous said...

idea kapas tmb ida nee bele cria competitive market. tp harga murah hrs dibarengi dgn pelayanan yg bagus dan terutama "SAFETY" soalnya Batavia Air kerap kali mengalami pendaratan darurat ou tergelincir iha Bandara sira iha Indonesia neba...sering menjadi konsumsi media. mudah2an ida nee la mosu ba rute Dps-Dili PP. iha bisnis nebe dt ema selalu fo sisi yg baik tp lupa akan fakta yg cukup negatif tentang kondisi pesawat. tp mudah2an ida nee bele sai fakta yg lain e bele fo benefisio brk ba povo TL nebe hakrk halo viagem mai Indonesia

Anonymous said...

semoga dapat bersaing dengan sehat dalam bisnis penerbangan, sehingga masyarakat Timor Leste bisa mendapatkan pelayanan dan harga tiket yang terbaik... Good Luck Mr. Lourenco de Oliveira

Unknown said...

semoga dapat bersaing dengan sehat dalam bisnis penerbangan sehingga bermanfaat bagi masyarakat Timor Leste dalam hal pelayanan dan harga tiket yang terbaik... Good Luck Mr. Lourenco de Oliveira