Tempo Semanal-Dili, 07.12.2010Iha loron 07/12/1975 oficialmente tropas Indonesia tama Dili no iha aniversariu ohin celebra ho seminariu loron ida hahu husi tuku walu minutu tolu nolu dadeer ate tuku lima loro kraik. KKN halo invazaun maka'as tebes ba orsamentu do estadu Timor Leste ninian. Timor Leste hahu tama daudaun iha krize bo'ot sira hariku sira nia familia ho meus sofistikadu tebes ne'ebe hanaran KKN. Nune'e duni ohin mosu teatru seminar nasional loron ida ho titulu "Ita nia komitmentu ba kombate Korrupsaun," iha sentru konvensaun eis merdakdu lama Dili.
Ko'alia nain sira iha seminariu ne'ebe loke husi Prezidenti interinu Fernando De Araujo ne'e sei hahu kedan ho orador nain rua hanesan DR. Mari alkatiri eis Primeiru Ministru iha Governu Fretilin ninian no DR. Vicente Guttere Prezidenti Parlamentu interino ne'ebe sei koalia kona ba opiku " Intégridade Estadu Tuir Lei no Orden."
Tuir observasaun Deputadu Parlamentu nasional rasik barak maka sempre tama tarde no la halo tuir lei ne'ebe iha.
IV Governu konstitusional ninia membru barak maka hetaan ona alegasaun luku iha bee foer KKN no opozisaun sempre kampania kontra Governu Xanana ninian ne'e gasta orsamentu do estadu la tuir planu nune'e duni S.E.Sr.Primeiru Ministru Kay Rala Xanana Gusmao sei koa’lia kona-ba "Efetividade Zestaun Reskursus Estadu nian."
Iha sesaun terseiru, "Komisáriu, Sr. Soares no Prokurador Jerál, Sra. Ana Pessoa sei ko’alia iha sesaun terxeiru kona-ba Implementasaun Konvensaun Nasoens Unidads Kontra Korrupsaun (UNCAC) iha Timor-Leste."
Tuir Rui Castro katak komunidade hahu lakon fiar ba KAK tan ba la'o hakdasak demais i ironia liu tan KAK sempre ba konsulta ho membru governu ne'ebe sei sai hanesan sira nia tarjetu. nia hatutan katak to'o ona tempu KAK halo investigasaun ba kazu sira ne'ebe iha.
Jornal ne'e iha husu opiniaun kona ba deklarasaun http://www.99polls.com/poll_24454:1 aset ema servidor estadu sira ninian hahu husi nivel diretores ate membru do Governu, membru parlamentu nasional no ajensia estadu nian sira seluk to'o agora ema nain walu nolu resin rua maka vota afavor no nain haat vota contra. (TS)
Tuir programa ne'ebe jornal ne'e hetaan define katak, "tuir hikas ho diskusaun painel. Panelistas sira inklui Brigadeiru Jeneral Lere Annan Timur (F-FDTL); Komisáriu PNTL, Longuinhos Monteiro; Provedor, Sebastião Ximenes; Dr Benjamin Corte Real, Universidade Nasional; Ministra Finansas, Emília Pires; Ministra Justisa, Lucia Lobato; Adjuntu Komisáriu CAC, Manuel Bucar; Reprezentante Seitór Privadu; Xefe husi ONG Forum; Reprezentante Banku Mundial; no Reprezentante Média."
Ita hein KAK sei la sai hanesan komiasaun bara-barak liu ona no espera katak viadas husi Sr. Rui castro emprezariu nasional ida ne'e dehan, "Komisaun anti Korrupsaun ne'e ha'u tauk sai fali hanesan, "Komisaun aijuda Korruptor."
Tuir Rui Castro katak komunidade hahu lakon fiar ba KAK tan ba la'o hakdasak demais i ironia liu tan KAK sempre ba konsulta ho membru governu ne'ebe sei sai hanesan sira nia tarjetu. nia hatutan katak to'o ona tempu KAK halo investigasaun ba kazu sira ne'ebe iha.
Jornal ne'e iha husu opiniaun kona ba deklarasaun http://www.99polls.com/poll_24454:1 aset ema servidor estadu sira ninian hahu husi nivel diretores ate membru do Governu, membru parlamentu nasional no ajensia estadu nian sira seluk to'o agora ema nain walu nolu resin rua maka vota afavor no nain haat vota contra. (TS)
No comments:
Post a Comment