Wednesday 15 December 2010

Parlamentu halo apresiasaun ba Paracer husi Tribunal de Rekursu kona ba OJE 2009

Tempo Semanal Breaking News 

Debate ne'ebe hahu husi tuku 15 OTL loron Tersa feira (14/12) to'o kalan bo'ot hamosu pro ho kontra. Husi Bankada parlamentar husi partidu ASDT, CNRT, PD, PSD ho UNDERTIM foo parabein ba Governu AMP maibe Fretilin no Pun run nehan hakilar sai karekas AMP ninian.

Partidu sira ne'ebe haksumik aan iha bloku AMP hahi mos pareser Tribunal ninian no hahi esforsu no sucesu Governu AMP ninian iha exekusaun orsamentu jeral 2009. Paracer husi tribunal de Rekursu julga legalidade exekusaun 2009 no ezije dadus balun no governu preokupa responde ba povu nia nesecidade no parlamentu nasional halo deskusaun politika.

Deputada Maria Reis husi banakada Fretilin foo hanoin ba PM Xanana katak membru do Governu sira tenta atu hamonu eis lider maximun no lider karismatiku iha rezistencia ba ukun rasik ne'e maibe Fretilin sei tane nafatin eis komisariu politiku Fretilin ne'e nune'e nia husi atu PM Xananaa hanoin nafatin lia fuan "pratika criteria de verdade.”
PM Xanana ne'ebe tuur hamaluk husi Vice Ministru Rui Hanjam ne'e, aceita hodi dehan, “Sim.” Tuir Pm tan ba razaun pratika criteria de verdade maka governu mos marka prezenca iha PN hodi halo debate kona ba paracer Tribunal de Rekursu. 

Hatan ba deputado Ozorio Florindo ne'ebe dehan AECOP halo dezmantelamentu ba sistema governu ninian iha pakote referendum iha 2009 pm Xanana dehan,"Problema boot iha ita nia rain mak foo fiar mos ba ema seluk. Nune’e mak tuir lei ami foo fiar ba sira i sira hatan ho diak, nune’e mos ho PDD ne’ebe Administrador sira simu sms trata oin oin maibe sira hatan ho diak. Setor Privadu hataan ho diak maske iha falla. Ita hakarak setor privadu iha sentimentu partisipasaun."

Deputada husi banaka Partidu Unidade Nasional, Fernanda Borges iha ninia deklarasaun sukit projeitu hari'i moru iha igreija motael nia oin ne'ebe foo manan ba kompania Hidayat ho sete centus mill maibe iha exekusaun aumenta ba too milaun rua resin. Ezije ba atu Governu loke aan liu tan hodi fornese dokumentus ne'ebe nesesariu ba parte Tribunal nune'e parlamentu nasional. Maibe deputada ne'e sadik kapasidade no intensaun diak husi Governu atu koopera foo dokumentus ne'ebe sira husu. "Ha'u duvidas senhor Primeiru Ministru atu foo dokumentus kontratu projeitu halo moru iha motael nia oin ne'e mai ami."

Deputada ne'e mos sadik PM ninia promesa atu konsege ahi lakan durante 24 oras iha timor laran maske povu sempre lamenta ho servisu ne'ebe halao husi sekreatriu do estadu ne'ebe kompetente. Debate ne'e la'o to'o tuku 24 la hotu ho votasaun ruma tan ba la iha rezolusaun ruma. (TS).

No comments: