Thursday 2 December 2010

Deskonfia Membru Bombeirus Fumenta Jovens Tuda Malu, PNTL Liman Fuan Katar buti Gatilu Populasaun hakfodak

Breaking News Tempo Semanal-Dili, 01.12.2010

Iha Loron uluk fulan preparasaun ba simu Nai Jesus nia moris nian ne'e, mosu konflitu tuda malu entre jovens mai husi Mota Ulun ne'ebe deskonfia mobiliza husi funsionaru bombeirus ida mai ataka malu ho juventude iha Jalan Garuda aldeia Has laran Suku Kamea Bekora Dili.  Konflitus ne'e mosu tan ba deskonfia osan lakon iha familia ida ne'ebe iha relasaun ho familiares ho funsionariu bombeiru ida ne'e. Tuir informasaun katak hafoin osan lakon parte osan nain la hao'o keixa ba autoridade lokal ka PNTL maibe ba organiza fali juventude husi bairo seluk mai halo asaltu hodi tuda malu ho juventude has laran ne'ebe uma nain deskonfia no du'un katak jovens sira ne'e maka foti sira nia osan.
Nune'e duni uma na'in ne'e ninia aman ne'ebe mos hanesan bo'ot ida iha instituisaun Bombeirus Timor Leste ninian mobiliza juventude sira husi bairo seluk mai halo asaltu ba adeia has laran iha kalan besik tuku 21 OTL. Tuda malu ne'e akontese daudaun liu minutu balun membru PNTL ida ne'ebe daudaun ne'e hanesan Corpu Seguransa Privadu (CSP) ba Sekretariu Estadu seguransa mai ho karreta CSP ba sekretariu Estadu ne'e. To'o tiha iha kruzamentu dalan entre Has laran ho Garuda dua, karreta PNTL ne'e para iha estrada klaran ho lampu bo'ot leno ba diresaun juventude husi has laran hodi foo oportunidade ba parte sorin hodi tuda ba diresaun has laran ne'ebe konsege estraga uma komunidade nian balun.
Iha momentu hanesan kilat tarutu no juventude husi parte leten hahu tuda namas husi PNTL ne'e ninia kotuk. Tan ba haree ba PNTL mai ona maibe tuda husi leten la para nafatin nune'e duni juventude husi karaik hakilar hodi tuda hasoru fali nune'e duni fatuk kona duni vidru karreta CSP ne'e.
Hafoin komunidade ida husi Has Laran telefone ba komandante stasaun Dili, liu tiha minutu ruma de'it task forse mos halo intervensaun ba tuda malu ne'e. Maibe ironia maka Wainhira to'o iha fatin akontesimentu PNTL ne'ebe ladun apar problemas ne'e loloos la devia husu uluk responsabilidade ba ema maka mai husi bairu seluk ne'ebe deskonfia mobiliza husi ulun bo'ot bombeirus ida hodi ba ataka has laran . Task Forse PNTL sira nia atuasaun ne'e konsege hapara tuda malu maske instituisaun lei ho ordem ne'e gasta tiha bala balun no ho kilat nia tarutu populasaun mos hakfodak dala ida tan. PNTL sira ne'e duni juventude husi has laran nian halai ba diresaun mota kamea nune'e to'o notisia ne'e hatun suspeitu sira ne'ebe halai namakari noPNTL seidauk konsege kaer sira balun.

No comments: