Grupu ne'e produz mesak ona marmeladas, rapixadu sukaer no mina nu'u ne'ebe hari'i iha tinan neen kotuk iha kuarta feira semana ne'e lanca ona sira nia uma servisu fatin foun.
"Ha'u husu ba governu mos tenke tau matan ba produtu lokal ne'ebe ita mesak produz nune'e ita mesak bele uza hanesan rekursu ida,"deklara responsavel ne'e.
Koordenador grupu Hadomi Produtu lokal dehan daudaun ne'e Governu foo ona apoiu maibe sei menus liu tan ne'e sira husu MTCI ninia laran luak atu aijuda liu tan sira hadi'a liu kualidade husi sira nia produtu hodi bele kompete ho produtu importasaun nian. "Ami hakarak atu dezenvolve produtu lokal. Produtu lokal ne'ebe iha ne'e atu ita zere mesak no uza mesak i agora ita haree barak liu ita halo importasaun husi liur de'it. Ita iha produtu lokal iha rai laran iha kedas ona maibe ita la utiliza," nia hatutun.
Ministeiru Turizmu Komersiu no industria iha IV governu konstitusional ne'e hahu iha tinan rihun rua walu tau ona orsamentu hodi apoiu industria ki'ik sira hanesan mos industria ki'ik iha Buru Uma ne'e. Tuir Diretora seguransa alimentar Florentina Smith katak iha tinan ne'e Governu sei propoin nafatin orsamentu ba 2011 hodi apoiu liu tan empreza ki'ik sira. "Tinan ida ne'e ami sei tau nafatin orsamentu atu bele atende nafatin grupu hotu-hotu la'os de'it iha distritu Baukau," esplika Florentina.
Tuir Diretora ne'e katak governu prontu atu foo apoiu ba grupu ne'ebe de'it maka iha inisiativa di'ak atu halo servisu ho responsabilidade. "Feto ka mane, sira ne'ebe de'it iha vontade atu organiza grupu ne'ebe de'it maka la'o ona Governu iha orsamentu atu fo'o apoiu," nia hateten.
Baukau sidade fatuk laran maibe iha mos produtu tuku besi ne'ebe apoiu husi Prezidenti da republika, Produtu mina kami apoiu husi organizasaun internasional balun ne'e konsege esporta ona ba nasaun balun, produz mos kapas no seluk tan. (TS).
No comments:
Post a Comment