Sunday 26 December 2010

Konfrontasaun Mala'e Ho Timor Tua Ana Laran, Arlindo Simu Bala UNPOL

Tempo Semanal Breaking News Dili-26.12.2010

Iha loro kraik Domingo (26/12) mosu tuda malu iha Tuana Laran. Membru SPU GNR tiru dalan neen ne’ebe deskonfia kona joven ida agora lori ona ba Ospital nasional Guido Valadares.

“Problema ne’e foufoun mosu entre ema sidadaun portages ida servisu iha ONU distritu Dili ho ninia seguransa ida naran Arlindo. Suspeitu ne’e naran FB husi Portugal. Wainhira GNR halo atuasaun jovens sira tuda fali GNR maka sira tiru kona ema ida naran Arlindo nia kelen no evakua ona ba ospital,” dehan fonts Tempo Semanal (tuku 16.10) iha fatin akontesimentu.

Maibe iha parte seluk komunidade informa ba jornal ne’e katak problema ne’e mosu entre GNR ho jovens sira.

“Jovens sira maka problema ho GNR. Jovens sira tuda GNR nune’e mala’e sira tiru bala neen kona jovens ida kanek ne’ebe kanek kala grave lori ona ba Ospital,” dehan Senhora Imaculada ne’ebe hamriik besik dalan ninin katedral ninia sorin.

Imaculada hatutan, “Mala’e sira mai iha ne’e ninia misaun atu aijuda Timor oan maibe sira mai atu defende ninia maluk hodi tiru fali jovens sira entaun di’ak liu sira ba ona.”

Too notisia ne’e tun jornal ne’e seidauk konfirma ho parte kompetente kona ba konfrontasaun Tua ana Laran ne’ebe jovens sira lori fatuk tuda no GNR tiru kilat joven ida tama ospital.(TS)

2 comments:

Anonymous said...

Tanba Timor-Leste besik dadauk ona festa demokrasia eleisaun jeral 2012, UNPol komesa ona atu oinsa bele destabiliza situasaun. Bele dehan aksidente neé mosu no akontese ho rajaun governu Timor-Leste rejeita proposta UNMIT kona ba Seguransa sivil sira mos tenke armadu,,,,,,,,,,,,,,,,La hetan BOY,,,,,,,,,,UNMIT

Anonymous said...

Tanba Timor-Leste besik dadauk ona festa demokrasia eleisaun jeral 2012, UNPol komesa ona atu oinsa bele destabiliza situasaun. Bele dehan aksidente neé mosu no akontese ho rajaun governu Timor-Leste rejeita proposta UNMIT kona ba Seguransa sivil sira mos tenke armadu,,,,,,,,,,,,,,,,La hetan BOY,,,,,,,,,,UNMIT