Futuru Nasaun Fahe Tempu Entre Estuda ho Fase Kareta

Tempo Semanal, 09/11/2012

Justica social ho ekonomia fila kotuk ba Octavio da Costa nune’e obrigatoriamente husi ninia inicitaiva rasik joven tinan 15, lokraik lokraik ba servisu fase kareta iha kaikoli eis edifisiu Kuartel jeneral PKF ka gedung keuangan Negara iha tempu Indonesia ninian.

Octavio da costa, estudante ida husi eskola Kristal
 fase hela kareta iha besik liuron kaikoli kinta, 08/11/2012
 (photo Tempo semanal/Dilma sujete)

“Ha’u fahe tempo para estuda iha kalan tan ba depois fila husi eskola mai ha’u tenke ba hein kareta mai atu fase nune’e duni la iha tempu atu halimar iha loron,” Informa Octavio da costa estudante husi eskola primaria Krital ba Tempo Semanal (08/11) iha fase kareta fase kareta fatin kaikoli Dili.

“Loloos la gosta atu halo servisu ne’e maibe konsidaun maka haruka,” jovens ne’e hateten.

Daudaun ne’e Octavio eskola iha Kristal Balide klase VI sempre fahe tempu entre estuda ho servisu buka centavus ruma aimenta ba osan ne’ebe ninia aman hetan hodi selu ninia eskola. “Ha’u tenke aijuda ha’u nia inan ho aman tan baa mi husi familias la mampu ninian,” dehan octavio da costa ba Jornal ne’e iha fatin fase kareta besik baleta kaikoli.

Octavio halo servisu ne’e ho ninia intensaun rasik la’os obriga husi ninia inan Julia sarmento ho ninia aman Manuel Sarmento ne’ebe hela besik duni Kaikoli. “Tan ba inan aman la mampu ne’e duni hanoin atu tulun. La’os inan aman maka haruka ha’u atu fase kareta sira ne’e,” nia hateten.

Maske nune’e Octavio diciplina hodi onestu ba ninia inan ho aman tan ba, “Osan ne’ebe ha’u hetan foo ha’u nia inan aman rai,”

Nia informa katak rendimentu loron loron nian la certeza maibe konforme sorte numeru kareta ne’ebe hakarak atu fase.  “Loron ida ha’u bele hetan to’o dollar sanolu ka sanolu resin ida konforme sorte,” Octavio hateten.

Kada loron sorte diak ba Octavio bele fase kareta neen too hitu maibe ne’e la certeza tan ba tenke hadau malu ho ninia maluk sira seluk. Octavio servisu ho badinas tebes hodi hatudu husi resultadu fase kareta ne’ebe moos didiak.

Maske estadu define ona katak edukasaun hanesan prioridade maibe labarik barak maka halo servisu tan ba razaun oioin. “Tuir ha’u nia hanoin se Governu no estadu nasaun ida ne’e maka seriu duni atu tau atensaun ba area edukasaun hodi hamenus kiak maka presiza halo esforsu hodi kreia kampu servisu ba inan aman sira no implementa didiak sistema edukasaun gratuita ne’ebe sai ona hanesan politika estadu ninian. Depois maka foti medidas forte ba inan aman sira ne’ebe haruka labarik sir aba servisu,” dehan Angelino X. da Costa estudante Universitariu ida iha dili.

Nia haklaken katak, “Governu ka estadu labele halo sensasi de’it ho deklarasaun maibe presiza hadi’a iha implementasaun programa sira ne’e. Se presiza haruka policia mak kaptura hotu. Obriga labarik sir aba eskola.”

Iha capital nasaun Timor Leste la’os bu’at foun atu ekspeta trabaliadores labarik ne’ebe fa’an pulsa, ai leva, faan manu tolun, tiga roda, modo no servisu sira seluk maske konstituisaun rasik define respeita direitu Kiik oan sira nian.