Friday 2 November 2012

Loron Matebian Jovens Embuskada Malu Iha Rate


TEMPO SEMANAL - DILI, 02/11/2012

Jovens bedois ho has laran ne’ebe asaltu malu durante loron loron rua no kalan tolu ne’e sei seidauk rezolviddu ne’ebe halo komunidade balun tauk atu ba rate maibe autoridade local foo laran metin.

Iha loron santo sira nian jovens feton lubun id aba hamoos rate iha bedois hetan ameasas no simu lian sadik. “Aban ami hein hasa laran,” dehan jovens ida husi bedois hamutuk ho ninia maluk sira besik rate ninian.

Iha parte seluk Tempo Semanal husu koko asuntus ne’e ba lider komunitariu iha Has Laran sa esforsu maka halo ona atu buka solusiona tiha problema jovens sira ne’e. “Parte Has Has laran ba ona bedois dala rua ona hodi ko’alia ho xefe Aldeia husi Bedois ninian maibe sira dehan atu dame depois de Finadu,” Lia nain Has laran dale.

Lia Nain ne'e hatutan katak, “testamunia sira mos mai informa kedan ba xefe aldeia nune’e duni Xefe aldeia telefone on aba xefe aldeia bedois ne’ebe resposta husi aldeia bedois dehan ba de’it se husi bedois maka tuda uluk entaun polisia mak sei kaer hotu sira maibe has laran maka hahu entaun polisia mak kaer.”

Lian Mateus dehan ba komunidade sira ne’ebe preokupadu katak labele, “labele tauk orsida ba rate, la’o hamutuk tan ba polisia informadu ona.”

Kazu jovens sira hein malu iha rate ne’e la’os de’it iha parte bedois-bekora maibe iha rate Santa Cruz ninian jovens sira balun husi Suku santa cruz embuskada hela jovens sira husi Lahane.

“Ba rate haree la kuidadu labele haree ema tuda malu imi mos tama hamutuk tuda malu eeee,” tia Lucia ne’ebe hela iha parte Taibese hameno ba li alia ba nia oan mane rua.

Senhora ne’e hakarak argumenta hela ho ninia oan sira atu ba vizita rate familia matebian iha dadersan (02/11).

“Hodiseik ami ba hamos rate ne’e ema sadik malu iha rate ne’eba. Jovens sira ne’e balun lanu nune’e diak liu ba rate sedu ,” Tia Lucia dehan.

Tuir observasaun iha Rate Santa Cruz iha dadersan ne’e komunidade sira hahu ona tama sai rate no daudaun ne’e situasaun la iha sinal ruma mosu tuda malu ninian.

No comments: