Rezultadu Ixame Nasional Foo Sai Ohin estudantes Barak Hela

Tempo Semanal – Dili, 23/11/2012

Rezulta Exame nesional ba tinan eskola 2012 ne’ebe hala’o iha meadus fulan oetobru ohin foo sai iha eskola sira iha teritori tomak. Rezultadu ne’e hatudu katak estudantes barak maka hela nafatin tan ba la hetan aprovadus ka la participa iha exame nasional ne’e.

Tuir espkilasaun husi Vice Ministru Edukasaun Vergilho Smith katak estudante husi nonu ano esinu basiku, desimu Segundo anu ensinu jeral no ensino tekniku bokasional ho toital alunus 36,497 ne’ebe maka tau naran hodi tuir ixame, hetan aprovadu 92,7%, reprovado 2% no estudantes sira ne’ebe la tuir ixame hamutuk 5%.

Ho deskrisaun katak husi nonu ano esinu basiku alunus ne’ebe hola parte iha ixame 20,559. Finalista sira ne’ebe konsege aprovado maka 18,814 ne’ebe koresponde ba 91,6%. Estudantes sira ne’ebe maka hetan reprovado 551 ne’ebe koresponde ba 2,6% no 1,194 ne’ebe vale ba pursentu 5,8% la tuir ixame.

Relasiona ba ensinu sekundariu jeral husi total numeru alunus ne’ebe participa iha ixame 13,515 ne’ebe hetan aprovado 12,820 (94,8%), alunus sira ne’ebe reprovado 152 (1,2%) no finalist sira ne’ebe la participa iha ixame nasional ne’e mak 543 (4%).

Husi parte ensinu Tekniku vokasional iha finalista 2,423 ne’ebe tama iha ixame. Nune’e hetan aprovado 2,195 (90,5%), sira ne’ebe reprovado alunus 46 (2%) no estudantes 182 (7,5%) la tuir ixame.

Iha dili laran eskola oan sira ne’ebe konsege aprovado hala’o pawai iha liuron ho motor no kareta inklui mos angunan. Tuir Observasaun iha eskola Paulus VI ninian portaun sira taka metin to’o oras. Hahu oras 15:00 estudantes terseira anos husi pra sekundaria ho sekundaria hahu hakilar iha aulas laran.

La kleur de’it sira hahu sai mai liur hodi sai spidol ho tinta sprei hodi pinta kamija, kamijo, kalca ate fuuk ho koris oi-oin. “Parabeins, parabeins,” hateten estudante feto oan ida ne’ebe iha ninia liman karuk kaer hela surat notifikasaun.

Ninia maluk mane ida ne’ebe hatais kalca koor kafe ho kamija mutin hamriik besik motor ida ne’ebe hahu sobu ninia pasta hasai tinta kinur hodi pinta estudantes finalist nain rua seluk mak besik hela nia mos simu fila fali dehan, “parabeins,” no foo rei ba ninia belun no sprei koor kinur mos pinta daudaun.

Wainhira atividade komprimenta malu ne’e la’o hela grupu motorista ne’ebe mai husi eskola seluk mos gas liu daudaun husi Paulus ninia oin. Estudantes sira ne’e mai husi eskola sao Jose Balide ne’ebe kada motor lori ema rua hakilar, hamnasa ho kontente.

Iha lutu laran eskola Paulus VI ninian finalista sira ne’ebe sai mai liur numeru aumenta barak ba beibeik hodi hamriik iha grupus pinta roupa eskola ninian. Inan, aman no kolegas estudantes finalista sira hamriik linea tuir lutu besi hodi hateke atividade  celebrasaun vitoria husi finalista sira ne’ebe mos akompania ho sunu paixon tarutu wain no maka’as iha lutu laran jardin eskola ninian.

“Ha’u kontente tan ba ha’u nia oan mos pasa,” dehan senhor Abrao ne’ebe hakuak ninia oan feto ho kontente.

Hakat ba jardim Largo Lecidere to’o hali okos palacio do governu ninia oin tasi ibun, nakonu ho motor no estudantes sira finalist sira ne’ebe mak celebra hela sira nia sucesu hatudu husi roupa eskola sira nian ne’ebe riska ho koris oinoin. Tuir Dalan estudantes sira hala’I motor ho konvoi no gas halo lian maka’as.