Monday 5 November 2012

Maske Kaptura Massal Maibe Trafiku Droga Dolar Nafatin Mai


TEMPO SEMANAL Eskluxivo, 05/11/2012

Tuir informasaun ne'ebe jornal ne'e simu husi ajencia seguranca RDTL ohin (05/11) dehan
Cidadaun Indonesia ida ne'ebe rasta
hela pasta droga iha pasta mean ne'ebe enxe
 hela droga iha laran (20/10)
(Photo Eskluxivo Tempo Semanal)
maske servisu hamutuk entre BNN ho PNTL konsege ona halo kapturasaun masal ba importador droga iha loron 18-20/10/2012 maibe movimentasaun droga sei kontinua nafatin liu husi Singapora mai Dili.

Iha loron 25/10/2012 trafiku droga husi Afrika do sul liu husi India tama hikas mai nasaun ne’e depois de iha loron ida antes PNTL transfere suspeitu nain lima seluk ba Indonesia. Tuir dadus ne’ebe jornal ne’e hetan hatudu cidadaun WPJ, ho numeru passaporte A 02324974 ne’ebe ninia data moris 21/03/1975 tama hikas mai nasaun ne’e ho droga Sabu-sabu kilo tolu mai toba iha iha hotel HD kuartu numeru 13 no loron tuir mai lori droga sira ne’e ba nasaun vijinu Indonesia liu husi rai ketan.

Tuir informasaun ne’ebe jornal ne’e obtain husi ajencia segurancaTimor Leste dehan, “nia sai ba Indonesia hodi sabu-sabu kilo tolu ba Indonesia liu husi perbatasan no servisu hamutuk mak iha entre ita ho intelijen husi Indonesia mak konsege kaptura WPJ iha Atapupu iha loron dua pulu enan oktober.”

Nasaun Timor Leste hetan ameasa bo’ot husi movilizasaun drogas husi Afrika via singapora ne’ebe hatama iha bagazen aviaun ninian.

No comments: