Tempo Semanal - Same 26/11/2012
Vice Primeiru Ministru Fernando Lasama hato’o hela lian murak ba lia nain sira husi Distritu tolu mak Distritu Ainaro, Bobonaro no Covalima depois Distritu Manufahi simu distritu tolu ne’e iha Mota Aiasa. Foto ts, Dilma Suzeti.
FAMILIA –vitima husu ba governu Timor-Leste (TL) hala’o kordenasaun ho governu portugal hodi bele hatudu rate Dom Boaventura bainhira halao revolta kontra malae iha tempu okupasaun Portugal tinan 1912.
Ho ezijensia husi parte familia kona ba rate dom Boaventura Vice PM Fernando Lasama hateten, ladun todan ba kintu governu atu husu tuir ba governu portuges tanba sira sempre iha arkivu. Vice PM mos konkorda ho familia ninia ezijensia atu buka tuir liu husi nasaun protugues. Tanba, komunikasaun di’ak hela.
“Hau konkorda ho familia Boaventura atu husu pelemenus ninia rate iha ne’ebe” dehan Lasama ba jornal Tempo Semanal bainhira partisipa iha nahe biti boot iha loron sabadu (24/11) aldeia Loti suku Daisua area Luak sub-distritu same distritu Manufahi
Vice PM mos konta hikas katak, bainhira kaer no dadur hafoin nia lakon. Maibe, dialogu iha julgamentu hetan tiha prosesu legal lao ona . Ne’e duni, iha resposavel ba situasaun saude dom Boaventura nian. “Governu Timor-Leste husu ba governu portugues. Lao’s buat ne’ebe defisil atu sira fo esplikasaun ruma.”haktuir Vice PM ho fian an
Husu kona ba bainhira mak sei realiza? Vice PM responde, depois de sermonia ne’e, iha dia 8 bele husu ba Primeiru Ministru ou Minitru estrajeiru atu koalia ho embaixada Portugal nia iha timor. Hahu atu sira mos buka tok informasaun kona ba situasaun ne’e.
Nune’e mos Beioan husi dom Boaventura Joao Noronha hateten, durante tinan atus ida (100) mate isin soe ba ne’ebe ?, “ to agora la hatene ninia paradeiru ida ne’ebe” tenik João ba Jornalista nakonu ho trite iha knua aldeia Sesu Rai, Suku Betano, Sub-distritu Same, Distritu Manufahi foin lalais. João mos fo orgulhu tanba estadu bele fo ondra ba dom Boaventura nia luta.(**)
No comments:
Post a Comment